Ngā mihi o te wāhanga Kirihimete ki a koutou katoa,
Ka katia mātou Te Ara Whitiki mō ngā hararei Kirihimete, hei te Rāpare, 21 o Hakihea 12.00pm i te ahiahi.
Ka tūwhera anō mātou hei te Rāhina, te 8 o Kohitātea 2018, 9.00am i te ata.
Ka taea tonu te tuku pātai mai ki a mātou, mā te puka tuihono ā, ka whakahoki kōrero mātou hei te 8 o Kohitātea 2018.
Nō reira, noho haumaru koutou mō te Kirihimete me te Tau Hou. kia ora tātou
Tēnā koutou katoa, nau mai ki te Te Ara Whītiki.
Kua huri te ao. Kua uru mai ngā momo hangarau ki te ao e ako nei ā tātau tamariki mokopuna.
Mā te Te Ara Whītiki e āwhina i ngā kura ki te whakauru i ngā momo hangarau ki ngā mahi akoako hei hiki i ngā putanga ako o ngā ākonga katoa.
E wātea ana tēnei kaupapa ki ngā kura e noho ana ki raro i te marumaru o te kāwanatanga o Aotearoa (state and state-integrated schools). Kāore he utu, ā, nā te Tāhuhu o te Mātauranga te pūtea tautoko.
Whakapā atu ki Te Ara Whītiki
Mā te tangata e mōhio ana ki ngā mahi rorohiko o tō kura e tuku tono mai ki te Te Ara Whītiki. Tērā pea ko te tumuaki, ko te tangata tiaki rorohiko, ko te kaiārahi ako-e rānei, heoi anō, mā tō kura e whakatau ko wai te tangata e tika ana.
Ka whiwhi ana mātou i tō tono ka whakapā atu tētahi o ā mātou kaitātaki ki a koe. E tūwhera ana Te Ara Whītiki mai i te Mane ki te Paraire, 9 i te ata ki te 5 i te ahiahi.
Waeahia te Tari Āwhina mā 0800 700 400
Tukuna mai tō tono mā te puka tono
Mā ngā kaitātaki ā-rohe e whakahaere hui whakangungu, nā reira me piri koe ki te Tīhau @enablelearning kia whiwhi koe i ngā kōrero whakamārama
Mēnā he pātai āu, tēnā toro atu ki te rōpū VLN Te Ara Whītiki
Whakapā mai mēnā he pātai āu e pā ana ki:
- ngā hangarau matihiko me ngā rauemi e wātea ana ki ngā kura, ā, mā hea hoki e tiki atu ai
- te hanga tukanga whakataki ka whai take e pā ana ki te hononga aunui wawe (ultra fast broadband) me te whatunga waerehe (WIFI) ki rō akomanga
- me pēhea tō tō mai i ngā mātua me te hapori hoki ki te whakamahi i ngā hangarau pēnei i ngā ī-pae me ngā pae ipurangi
- te tiki rorohiko pona, tīpapa (tablet), me ētahi atu taputapu hangarau mō āu akomanga
- te whai māramatanga ki te BYOD, ki te whakahaere pūmanawa, ki te rokiroki raraunga, ki ngā paerewa whatunga (network standards), ki te hui ā-ataata, ki te tūāpapa hangarau, ki ngā akoranga hou mā te hangarau hoki.
Mēnā he pātai atu anō āu me whakapā atu koe kia.
Information about the Connected Learning Advisory – Te Ara Whītiki is also available in English .
Guides and resources
Decision-making guides, how-to guides, and checklists
In-depth guides
- Developing your digital technologies action plan
- Digital technologies supporting senior secondary learning
- Making the best use of your student data
- Planning for and managing 1:1 digital devices in your school
- Using social media to connect with your community
- Using digital technologies to support Māori learners
CLA e-Learning community discussions
Join these groups to participate in discussions, ask questions, and share resources with other educators.